السلام عليكم ورحمة الله وبركاته
الكثير من ستات البيوت بتحب تعمل عزومة محترمة يكون فيها الفخدة فى نصف السفرة ولكن مبتعرفش تعملها اليوم هنتعلم مع بعض الطريقة خطوة بخطوة وبكل سهولة
تعال نحضرالفخده الضأنى المشوية بشكل بسيط وسهل وهيحب افراد اسرتك الطبق جدا
المقادير :-
- فخده ضانى
– كوب زبادى
-بصلة مفرومة ناعمة
– 10 فصوص ثوم مفرومة
– ملعقة صغيرة حبهان مطحون
– ملعقة صغيرة بابريكا
– نصف كوب ورق زعتر طازج ومفروم
– زيت زيتون
- بهارات
– ملح
– فلفل اسود .
-ملعقة صلصة اوطماطمية مبشورة
الخطوات :-
- اول حاجة نقوم بتفتيح الفخدة بالسكين عشان التتبيلة تدخل فى كل مكان
- نحضر وعاء عميق ونخلط المكونات جيدا ثم نغطى بها فخد الضانى
- ثم نلف الفخذ ببلاستيك ونضعها فى الثلاجة لمدة 8 ساعات حتى يتشرب اللحم التتبيلة
- وبعدين نجهز فرن درجة حرارته 200 مئوية ونضع الفخد فى صينية فرن بعد رفع البلاستيك من عليه وندخله الفرن الساخن مع تقليبه حتى يحمر من كل الجهات
- ثم نهدى الحرارة عليه ونتركه فى الفرن لمدة ساعة ونصف تقريبا حتى تمام النضج
- ثم نخرجه من الفرن ونلفه بورق الالومنيوم ونتركه لفترة قبل تقديمه
-ويا سلام بقى لو اتقدم مع ارز بالخلطة عتبقى احلى عزومة
0 التعليقات: